BJP Mizoram State President Pu Vanlalhmuaka chuan Dampa bial chhungah Campaign nei mekin, BJP Party zawm thar Dampa bial ah hian an awm reng niin an sawi a ni.
Pu Vanlalhmuaka BJP Mizoram State President chuan A bial chhung Dampa khaw hrang hrangah Campaign ngawrh taka neiin, Dampa Bial ah BJP in hmasawnna nei zelin, Dampa Bial mipui te zarah a tlin ngei a rin thu a sawi a ni.
Pu Vanlalhmuaka chuan Dampa bial chhungah hmasawnna chi hrang hrang Sorkar tawh ten an tih thuanawm tam tak te chu function thei a siam anih tur thu a sawi a, ITI West Phaileng hmuna dah tawl mai mai te chu pawi a tih thu sawiin, mipui ten an chhawr theih tur hnathawhna kawng kawhhmuhna tur pawh Sorkar tawh ten an ti tawl thei chu mak ati hle a ni. Dampa bial a inkalpawhna kawng tha lo te leh kawng zim lutuk te chu siam that a tih zauh anih tur thu te, Mipui eizawnna pawimawh Feh kawng thalo te pawh siam that anih tur thu te, Zirna in tih hmasawn a, Health Facility changtlung zawk Dampa Bial ten Aizawl pan ngai lova kawng tamtak a an chhawr theih tur siam anih tur thu te a sawi a ni.
Dampa Bial ah BJP in hma a sawn zel a, BJP MLA nei ngei turin kan in beisei bawk a ni.
Hetih rual hian Hachhek Bial BJP Official Candidate Pu Malsawmtluanga, BJP State General Secretary pawhin a bial khaw hrang hrang tlawhin, Mizoram thar Khuhva a kan buaina chu BJP MLA Hachhek Bial in kan nei anih ngat chuan chinfel ani dawn a, chu chuan nasa takin Mizoram Sum dinhmun a ti tha dawn a, chuvangin Hachhek Bial mipui te hi kan pawimawh hle a ni a ti. Tin, Central Scheme hrang hrangte BJP Sorkar na State lo ah chuan a nihna anga hman theih a nilova, chuvangin PM Scheme hrang hrang Housing for all, Jal Jivan Mission, Free Gas Connection, te bakah Mizoram in kan la hmuh ngailoh tamtak PM Scheme kaltlanga hamthatna ka hmu thei dawn a ni. Heng bakah hian Tribal affairs atangin Eklavya School te leh Damdawiin tha te chu Central hruaitu te nen uluk takin kan rel ho tawh avangin heng zawng zawng hi Hachhek Bial mipui ten kan hma ah a awm ai tih hria a BJP Official Candidate ka nih anga Khawngaihtaka min Vote theuh tur in ka ngen a che u a ti bawk.
BJP Official Candidate hrang hrang te chuan bial chhung ah ngawrh takin Campaign an nei mek a, Pu Jobn Barla Union Minister of State for Minority Affairs changtute, Pu Kiren Rijiju Uinion Minister Of Earth Science changtu te, Pu Y Patton Nagaland Deputy CM, Mizoram Election Co-Incharge te chuan Campaign an nei mek a, Naktuk 28th October 2023 hian BJP National President Pu JP Nadda pawh BJP Official Candidate te pui tur leh 2023 BJP Election Manifesto tlangzarh turin a rawn thleng dawn bawk a ni.
