Mizoram Pradesh Congress Political Affairs Committee (PAC) chuan meeting a nei a. Meeting hi MPCC President Lalsawta’n kaihruaiin AICC General Secretary in Charge Bhakta Charan Das leh Senior Observer Pu Sachin Rao ten an telpui bawk a.
PAC te chuan tun hnai zawhfel tak Mizoram Assembly Election chu kimchang taka sawihona an nei a ni.
PAC chuan election officers, media leh inthlan remna leh muanna hnuaia neih a nih theih nana hmala leh inhnamhnawih tin te hnenah lawmthu a sawi bawk a.
PAC meeting chuan Mizoram mipui te chuan India secularism humhim an duh zia an tilang chiang hle ah a ngai a. Mizoram State chuan BJP leh an thawhpui te an duhlohzia an lantir chiang hle in an ngai a ni.
Congress leh INDIA alliance chuan secularism leh remna leh muanna humhim a nih zel nan BJP te chu an do zui zel dawn a ni.
BJP te enna thawhhona nei party te chuan Mizoram mipui te kalhin chet an laah a ngai a ni.
PAC chuan party workers te AICC hruaitu Sonia Gandhi, MP, Hon Congress President Pu Mallikarjun Kharge, MP, Pi Priyanka Gandhi te mai bakah AICC leader te Mizoram a kal Pu Rahul Gandhi, General Secretary in Charge Pu Bhakta Charan Das, Sr.Observer Pu Sachin Rao, Star Campaigners Dr Shashi Tharoor, Pu K.J.George ( Cabinet Minister of Energy, Karnataka), Prof P.J Kurien,(former Dy Chairman, Rajya Sabha ), Media & Communications Coordinator Pu Mathew Antony leh Social Media Coordinator Dr Suneer Dubey te hnenah lawmthu a sawi bawk.
