BJP Mizoram chuan vawiin 15th December, 2023, (Friday) hian BJP State Office, Mipui Run, Upper Republic ah Kumtawp inkhawm leh 2023 atana Office khar-na hun hman a ni a, Pu T. Lalengthanga’n inkhawm kaihruaiin Pu Vanlalhmuaka State President in thusawina hun a nei a ni.
Pu Vanlalhmuaka chuan, “BJP Member-te leh hruaitute chu Pathian aw hria a, Bible leh ṭawngṭai thlahthlamlo kan tam poh leh kan chak dawn a, chutiang mi chu BJP Mizoram hruaitute ah kan awm tam a ngai a, Pathian nena inzawm tlat nun neitu hi BJP Mizoram hruaitu atan kan pawimawh a ni,” a ti.
Pu Hmuaka chuan, “Kum tawp inkhawm kan neih angin insiam ṭhat kan ngaihna apiangah mahni ṭheuh insiam thar in, kumthar kan chuan kai hunah rilru thar nena hma la thei turin kan inbuatsaih tur a ni. Kum 2024 MP Lok Sabha lo awm turah hian BJP-in Mizoram ah BJP MP kan neih theih ngeina turin BJP Member te’n kan rilru siam thar ila, BJP MP Mizoramin kan neih ngei theih nan hma lak a, MP thil ti thei tak tak Mizoram in kan neih theih nan a hma min lakpui turin Mizoram mipui te pawh kan sawm nghal bawk che u a ni,” a ti.
Pu Vanlalhmuaka chuan sawi chhunzawmin, “kan hma lawka Lal Isua Krista piancham phaphak lo thleng tur ah BJP Member te leh Mizoram mipui te chu hlimtaka hmang turin duhsakna ka hlawn bawk che u a ni,” a ti bawk.
BJP Mizoram State Office chu January ni 8 ah hawn leh tur a tih a ni bawk.
