Aizawl, April 5 : Mizoram IOCL Transporters Forum leh IOCL inkarah tuialhthei / POL phurh man chungchangah inhriatthiam lohna a awm avangin Pi Ramdinliani, Director, FCS&CA chuan a hnuaia tarlan ang hian mipuiten kan zawm tur, hriattirna leh ngenna a siam.
Mizoram IOCL Transporters Forum leh IOCL inkara tuialhthei / POL phurh man chungchangah inhriatthiam lohna a awm avangin 01.04.2022 atang khan Mizorama tuialhthei / POL rawnlut a khaih lakrih a. Sawrkar leh mipuite’n harsatna lianzawk tawk lova petrol leh diesel mamawh tute’n rualkhai zawka an chan theihna’n ‘The Mizoram Trade Articles (Licensing and Control) Order, 1987’ hnuaia para 24 leh 25 tlawh chhanin POL inrenchemna leh khuahkhirhna chu hman chhunzawm zel rihtur thupek chhuah a ni.
Type of vehicle – Quantity allowed for one time issue
1. Two-wheelers 5 litres
2. LMV – 10 litres
3. MMV – 20 litres
4. HMV – 40 litres
Buhfai/essential commodities phur truck techu an challan milin an kal lam leh haw lam daih pek tur a ni.
Petrol pump te’n an stock position hi Deputy Director (G), FCS&CA (Ph:9436198916) emaw Supply POL Report Group WhatsApp group ah nitin dar 09:00 AM ah report an thehlut thin ang. MS stock hi 5000 ltrs leh HSD stock hi 7000 ltrs-a a tlakhniam chuan FCS&CA hriatpuina leh phalna lovin pekchhuah tawh loh tur a ni anga, a tulangin FCS&CA Department-in ruahmanna a siam ang. He Order hi DCSO te’n, inspecting staff tedetailment order siamin, an enforce tur a ni.
