Joint Action Committee on Inner Line Reserved Forest Demand chuan Dt. 06.04.2022 chawhma dar 11:00 khan Press Club, MJA Building, Treasury square, Aizawl ah Mizoram humhalhtute chawimawina hun an hmang. Pastor (PCI) Zothansanga’n hunserh hmangin, ramri humhalhna kawnga theihtawp chhuahtute leh nun pawh chan ngam te bula a tel theih avangin lawmawm a tih thu a sawi. Mizoram humhalhtute chawimawina programme hi Pu L. Ramdinliana Renthlei, Vice chairman, JAC on ILRFD in a kaihruai a. JAC on ILRFD te hian chawimawina citation ramri dep Khaw hrang hrang 10 te hnenah leh mimal 16 te hnenah an sem chhuak a ni. Chawimawina Citation an pek te chu:
*Khawbil*
1. Hriphaw
2. Kanhmun
3. Thinghlun
4. Chuhvel
5. Saikhawthlir
6. Bairabi
7. Phaisen
8. Vairengte
9. Saihapui V
10. Phainuam.
*Mimal*
1. Pu K. Vanlalvena, MP, Rajya Sabha
2. Pu Lalnunmawia Chuaungo, IAS (rtd)
3. Kolasib DC
4. Mamit DC
5. Kolasib SP
6. Mamit Sp
7. Kolasib Addl SP
8. Mamit Addl SP
9. Vairengte SDO civil
10. Vairengte SDPO
11. Vairengte OC
12. Kanhmun OC
13. Mizoram Police Headquarters
14. Pu P. Lalúpa
15. Pu Vanlalngaia
16. Pu F. Ngurbiakvela
Chawimawina Citation hi Pu C. Lalnuntluanga, Asst. General Secretary leh Pu Lalṭhakima, Financial Secretary ten an sem chhuak a. He Mizoram humhalhtute chawimawina hi a vawikhatna chauh a la ni a, chawimawi phute JAC chuan a la chawimawi zel dawn a ni. He programme hi Hon’ble Minister Pu C. Lalrinsanga’n an sawmna ngai pawimawhin, a hun chep tak karah a ltel pui theih avang in an hlawm hle a ni.
JAC Chairman Pu Lianzuala’n thusawiin boundary committee in Chief Minister leh Chief Minister inbe rawhse tiin agenda neiin thu an passed a, kan Home Minister Pu Lalchamliana leh Assam boundary Minister-te an inbia a, amaherawh chu tun thleng in Chief Minister leh Chief Ministe-te inbiakna neih ala nilo a ti. Tin, 1875 hi JAC chuan a dinna ala ni renga nawr zel an tum a ni a ti bawk. JAC chuan ramri venghim tur Volunteers din a remti a ramri dep khua zawng zawngah din hmasak a ni phawt anga, a bak volunteers-a inpe duh apiang tan MZP Office Bearers leh JAC Office Bearers te hnenah inhriattir theih a ni a ti bawk.
Advocate Pi Rosalynn L. Hmar, Secretary, Information and publicity, JAC chuan ramri chungchang ah legal awareness a nei bawk a, hlawk thlak kan ti hle a ni. He programme hman pui tur a sawm te an lo kal ṭha hle a ni. Pu Zion Lalremruata, Treasurer, JAC chuan lawmthusawina neiin programme hmang tura lo kal zawng zawng te chungah JAC hmingin lawmthu a sawi a, theihtawpa kan ram humhalh zel tur in programme hmangtu te a chah nghal bawk a ni.
“JAC on Inner Line Reserved Forest Demand chu ramri venhimna kawngah nasa zawk in ke a pen zel dawn a, 1875 BEFR chauh hi Assam nen kan inkarah hian ramri a pawm theih kan neih chhun a ni tih kan puang nawn leh bawk a ni,” an ti bawk.
