MNF Party chuan thuchhuah siamin, “Mizoram Sawrkar Budget Session neih kal mekah nimin 21.3.2024 khan Food, Civil Supplies & Consumer Affairs Dept.hnuaia Retailer chungchang sawiin, Minister Pu Lalthansanga chuan Zarkawt venga Retailer hnathawk mektu chu 2018 MLA inthlana MNF kaihhruai sawrkar lo ding thar chuan ban nghalin, a thar 2018 kum tawpah ruat nghal niin a sawi a. MNF kaihhruai Sawrkar kalta chu dan bawhchhiain, duhsak zawngte duhsaka rorel angin a sawi a. Thudik lo Mizoram Rorelna In sangber chhunga a sawi mai hi MNF chuan pawi a tiin, thudiklo hmanga mipui kaihhruai tumnaah a ngai a. Thudik puangchhuak turin kan ngen a, House-ah thubelhchian dawl lo sawi tawh lo turin kan ngen a.
“Retailer hi term nei an ni a, a nilaiten dan an bawhchhiat a, dan anga an chungthu rel a nih loh chuan tumah a hun hmain duhsak zawng pawh dah theih a ni lova. Memo. No. B. 12012/6/2017-DCSO(E)/:Dated Aizawl, the 20/8/2019 angin Zarkawt FP Shop Retailer tur hian Pu K. Zoramena, Zarkawt chu dan ang thlapin a hmaa lo chelhtu term tawpah chauh ruat a ni. Pu Lalthansanga, Minister hian Assembly House-ah meuh thudik lo a tlangau pui mai hi a pawi takzet a ni,” an ti.
