Vawiin ni 22 February, 2024 (Ningani) zing dar 11 khan MZP General Headquarters Aizawl chuan Sihhmui Refugee camp-II nizana kang chu a hmunah an tlawh a. Tanpuina tangkafai a hlan. MZP hi General Secretary Chinkhanmanga Thomte leh Zairemthanga Treasurer hoin mi pali an kal.
Nizan dar 6:00 khan Sihhmui Refugee camp-II hi eirawngbawlna Gas atangin a kang ṭan nia hriat a ni a, in pariat (8) a kang rel vek a, in pakhat (1) hi kang thelh nan nizanah thiah a ni bawk.
MZP chuan heng Myanmar atanga raltlante awmna (Camp) kâng hi vawiin chawhma dar 11 khan a hmunah a tlawh a. Sihhmui khawtlang hnatlangte thingpui man leh a ṭul apianga hman turin Rs. 5,000/- Branch YMA kutah a hlan a, Raltlante hnenah Rs. 5,000/- a hlan tel bawk.
