MNF party chuan thuchhuah siamin, “ZPM te hian campaign lai khan lalna leh thuneihna an duh luatah, MNF sorkar kha achhe thei ang berin an bei ṭhin a. Engkim chhe vekah an puh a nih kha. Tunah MNF sorkar kal ta an beihnaa an dawt sawi alang chhuak mek zel. An leader Pu Lalduhoma ngeiin, Tv interview hrang hrangah leh mipui hmaah Mizoram sum dinhmun chhiat zia sawiin, GSDP pawh -9.6 a nih thu a sawi ṭhin a. Hmaichhanah mithiamin a ‘sawi dik lo’ tih an hrilh hnuah pawh aw ki sang tak hmangin a la sawi lui tlat zel a nih kha.
“Tichuan, nimin maia budget a pharhnaah thudik tak chu a lo lang ta. Amah ngeiin a dawt lo sawi ṭhin chu a rawn inphawrh mualpho ta a ni.
“Nimina budget a pharhnaah Finance Minister a nihna angin kum 2022 – 2023 chhunga GSDP chu 10.14 a nih thu a rawn sawi leh ta a, kum 2023 – 2024-ah chuan 10.55 a nih rin a nih thu a sawi ta hial a ni.
“Hetiang hi thil awmzia a nih chhoh zel tak avang hian, ZPM in kan ram kaihhruai hna an thawh mekah an inzawrhna ang lo takin kan ram tan beisei an sang lo hle mai a. A tuk lawka lang leh mai tura Dawt sawi thin hi, kan Chief Minister leh a kaihhruai party te hian sim tawh se, MNF chuan a duhin a chah nghal bawk a ni,” an ti.
