Vanduaithlak takin ni 06.03.2024 khan Mizorama a hmasa ber atan, Siaha District-a Khaikhy ram chhungah dan loa poppy chinna hmun chu Lungpuk khaw mi te’n an hmuchhuak a, hei hi Khaikhy leh Rala khua, Myanmar inkarah a ni.
Phura Police Station staff te, Lungpuk post-a awm 20th Assam Rifles te, Mara Thyutlia Pi (MTP), Lungpuk Branch and Forest Department, MADC official-te chu a hmunah hian kal nghalin he dan loa poppy chinna hmun hi hemi ni vek chawhnu dar 2:00 vel khan tihchhiat vek a ni.
Poppy chinna hmun an tihchhiat tak hi Rs. Nuai 32 hu vel ni tura chhut a ni a, a huan neitu hi hmuhchhuah tuma chhuizui mek a ni.
Hemi chungchanga Lungpuk khaw mite bengvarna leh chetdan avangin Mizoram Police chuan an chungah lawmthu a sawi tak meuh meuh a ni.
