BJP Mizoram Pradesh chuan vawiin 8th April 2022(Friday) Political Session neiin, Pu P Sanghmingthanga State Secretary-in inkhawm a kaihruaia, Pu Vanlalhmuaka State President in thusawina hun a nei a ni.
Pu Vanlalhmuaka chuan BJP dinchampha phak Vawi-42 na lawmna kal mek 20th April thleng awh tur ah hian, PM Scheme hrang hrang mipui te tana siam a dawng tur ten an dawn theihna tur in he hunchhung hian nasa takin mipui te hnenah hriat tirin, he hun chhunga PM Scheme an dawn theih na turin nasa takin hma kan la dawn a, chung bawhzui tur chuan Morcha hrang hrang te’n hma kan la zel dawn a, midang tana luanchhuahna hun atam thei ang ber kan nei dawn ani a ti.
Pu Hmuaka chuan tunlai hian Party thenkhat chuan Mipui hnena an Sorkar theihna tur an zawrh chu an Party President te a ni ta. Ram mipui min bawlkual vel dan hi a pawi hle a ni. A thenin Mau, Rua, Vaimim chi sem te, a thenin Kalphung thar an ti bawk a, Political Party dangte’n mipui hnena an thil zawrh thin hi kan ram hmasawnna atan leh dinchhuahna tur atan chuan a beidawn thlak hle a, an thutiamah an ding thei reng reng lo te hi kan Ram vanduaina ani in a lang. Keini BJP te erawh chuan DEVELOPMENT hi mipui te hnena kan zawrh chu a ni thung a, Kum 2023 MLA General Election lo awm turah hian Pathian leh Mipui zara Sorkarna kan chang a nih ngat chuan Mizoram ah hian “ZORAMTHAR” kan beisei hi a lo thleng ngei dawn a ni. Chu Zoramthar ah chuan kawngtin renga hmasawnna, Infrastructure Development hrang hrang kal tlangin Mizoram pum ah Mizo mipui te’n lungrual takin mahni theihna zawn theuh ah hna kan thawk thei tawh dawn a ni. Chumi hunah chuan sem Policy avanga Mizoram mipui rilru rethei taka kan awm na lakah chhanchhuah kan ni tawh anga, kan Bible zirtirna angin, kan thawk anga, kan thawh milin hlawh pawh kan hmu thung tawh dawn a ni, a ti. Chuvangin chutiang hun kan thlir avang chuan harsatna hrang hrang karah pawh BJP hian nasa takin Mizoram leh Mizo te tan theihtawp kan chhuah zel a ni a ti bawk.
