“Kan ram kan hnam sakhua humhim turin National Party Congress chauh lo chu a awm lo” : Meriam L.Hrangchal
–
Dt.11th March 2024 : Pi Meriam L.Hrangchal chuan Politics ah engmah hre lovin ka lo lut a, thenkhat in ka hminghmerh in kawng min zawh khum a, MLA inthlanah ka han tla zui a, enge politics ah ka dinhmun pawh hre lovin ka awm a, chutihlai chuan Party inthlanah Hmeichhe zingah vote hmusang ber a ka lo awm kha ka lawm hle a ni tiin Pathianin hun remchang min pe zel dawn niin ka hria a ti.
He thu hi vawiin khan Congress Bhawan Lungleiah sawiin Pi Meriam L. Hrangchal chuan MP inthlan lo awm turah BJP ten tling leh ngei turin theihtawp an chhuah a, an Pathian hming chawiin Jay Shree Ram tiin kawng an zawh a, keini pawh hian kan hnam, kan sakhaw chhan him nan tan kan lak ve sauh sauh a ngai thung dawn a ni a ti. Central ah Congress tan hun tha a in her dawn tih sawiin Rahul Gandhi hi India ram hruai turin BJP mi leh sa ngei pawhin an ring a ni tih sawiin kan ram tan Congress hi a la tha dawn a, hmuh theih loh ka hmuh avangin Congress ah hian ka awm a ni a ti.
ZPM kan en chhin ta tih sawiin, an thu tiam zing a awlsam ber Hmunphiah ah harsatna an tawk a, kawng tinrengah pawisa awm loh an chhuanlam a, chuvangin ZPM nih hi thil chakawm a ni dawn lo a ni tiin ZPM hian an tlin chiah hian tlak an hnaih nghal a ni a ti. Kan nihdan phung siam tha in, in seng so ngam a Congress a ka lo lut ang in Party tan thawk ila, hotu te thu awih ila, hman tangkai theih turin awm ila, kan ram leh hnam tan MP inthlan lo awm turah theihtawp chhuah ila, kan danglam ngam phawt chuan hnehna kan chan lohna chhan tur a awm lo tiin Congress party worker te theihtawp chhuah turin a sawm.
Pi Meriam-i hian kan ram kan hnam sakhua humhim turin National Party Congress chauh lo hi a awm dawn lo tih sawiin ZPM in CM special package an tih hahip a an sawi hi mimal project ang tiat lek a ni tih sawiin sum harsatna an sawi fo hi solve turin BJP bak belh tur an nei lo tiin a sawi.
