BJP Mizoram Ṭhalai Headquarters chuan vawiin 12th March, 2024 hian diklo taka BJP tihhmingchhiatna lam hawi thehdarhtu te lakah FIR a thehlut a ni.
BJP Mizoram Ṭhalai chuan, “Inthlan dawn hnaih apianga BJP beihna tura thudik lo vawrh darh ching Party ṭhenkhat aṭanga chhuak ni ngeia hriat a awm ṭhin hi pawi kan ti takzet a, Politics hi Sakhuana nena kaihkawp luih tum a, India ram chhung state ṭhenkhata Hnamdang insawisakna video/thlalak te chu remchanga hmanga, Mizo Kristiante rilrem zawng a nih vanga Kristiante tawrhna anga BJP Sorkar tih hmingchhiatna tura dawt an vawrh ṭhin hi Mizo mipuite zahlohna leh hmuhsitna ah kan ngai a, chumai nilovin, kan Sakhuana pawh inbumna ah an chantir ah kan ngai a ni. Tun hnaia social media-a an thehdarh; Uttar Pradesh-a BJP te’n kristian pa an sawisak rawn ni awm taka an thehdarh chu thu diklo niin Punjab-a misual rukru nia puh an sawisakna zawk niin, he video tawi thehdarh pawh hi Kohhran ṭhenkhat lo ṭawngṭaipui hialte an awm ni awmin a lang a, Kohhran thlengin Dawt Politics-in min bum tel hi a pawi kan ti takzet a ni.
“Heng thudik lo thawndarh tute hi Dan anga a ṭul anga na taka hremna pe ngei turin thuneitute kan ngen a, tun hnuah thudiklo leh dawt hmanga Mizo mipuite bum kan nih tawh lo nan, na taka an chunga hremna pe ngei turin kan ngen a ni,” an ti bawk.
