AAP Mizoram chuan thuchhuah siamin, “Tun hnaia HSLC Exam 2024, Social Science question paper a thil fel tawk lo awm hi pawi kan ti hle a. Hetiang thil hi tun hnuah thleng nawn tawh lo se, a pawi khawihtu ber chhui chhuah a ni a, sawrkar hmalak a na hi ṭha kan ti hle a ni.
“He thil thleng hian zirlai naupangte leh an chhungte rilru nasa takin a ti buai a, kan sawifo tawh angin tuna zirlai naupangte hi nakin lawka kan ram hruaitute turte an ni a, chuvang chuan an zirna leh an hmalam hun tichhe thei zawnga chetna hi kan duh lo hle a ni. He Social Science paper hi exam that a ni dawn nge pawm a ni dawn tih pawh kan sawrkar hian thuthlukna siam vat turin kan duh a kan ngen bawk a ni.
“Hetiang ang buaina hi tun hma pawhin Mizoram-ah alo thleng tawh a, a changtu Minister in mawhphurhna lain a bang hial a nih kha. Tuntumah hian kan Education Minister hian mawhphurhna engchen nge a lak ve ngam dawn tih hi AAP Mizoram chuan kan zawt a ni,” an ti.
