MNF Senior Vice President, Dr.R.Lalthangliana, MP Election campaign-a Serkhan, N.Chaltlang, Nisapui, N.Hlimen, Bukpui, Thingthelh leh Hmar tlang dung khaw hrang hrang tlawh mek chuan thu sawiin, tun hnaiah Serlui bial Saipum khuaah chuan hmunphiah thar sa Godown-ah an dah nghuk mai a. ZPM sorkar hian lei tura an intiam anga an lei sak loh a vangin mipui rinna an ti chhe mek a ni. Kan thenawm state Manipur buaina a Kristian-te Biakin 300 chuang hal an nite kha Parliament House-ah kan MP candidate Pu K.Vanlalvena hian a au chhuah pui nasa hle a ni, a ti a. Hetiang thil hi communist ramah pawh thil thleng ngai lo a nih thu a sawi a. Zofate thlavang hauh tura tang ral raih ngam chu kan MP candidate neih zingah pu K. Vanlalvena chiah hi a ni awm e. MP inthlanah hian rulling MP candidate hi an tling vek reng kher ngai lova, vawi 4 lai rulling MP candidate an lo tla tawh a ni,” a ti.
“Pu K.Vanlalvena hi a chanchin sawi vak ngai lovin mipuiin kan hria a, India ram rorelna khawlah Mizo zingah amah tluk an awm lo. Myanmar border fencing chungchangah Zofate tan nasa takin hma a la a, tun lai khawvelah chuan Pu K.Vena tluk an awm lova, en chhin ngai ve lo, mi hriat sa a ni,” a ti bawk.
MNF Senior Vice President Dr.R.Lalthangliana hi Serlui bialtu MLA Lalrinsanga Ralte leh K.Laldawngliana MLA ten tawiawmin thu an sawi bawk.
