Tukin zing dar 5:30 bawr vel khan Taiwan chu lirnghing na tak (7.4 magnitude) in a sawi a, Tuna a hriat theih chhinah mi 4 in nunna a chan a, mi 50 velin hliam an tuar. Thi zat hi la pun belh thei a ni. Tukin Lirnghing hi kum 25 chhunga a nat ber tum a ni.
Taiwan sorkar chuan mipui te chu lirnghing avanga Tsunami metre 3 a sang insiam dawna an hriat avangin fimkhur turin an chah a, hei hian Japan leh Philippine tuipui kam pawh a huam thei dawn niin an sawi bawk.
Taiwan monitoring agency chuan Lirnghing hi magnitude 7.2 ni a an sawi laiin US Geological Survey chuan magnitude 7.4 niin an sawi ve thung a, Lirnghing hi Hualien khawpui atanga km 18 a hla, chhim thlang lam (southwest) leihnuai km 35 a thuk a intan niin an sawi.
Lirnghing hi a na hle a, mipui an chi-ai nasa a, inchhawng sang tak tak lirnghing hian a sawi awn hlawm a. Wu Chien-fu, Taiwan’s earthquake monitoring bureau chuan an insak te hi nghet tha lo se chuan lirnghing avanga tawrhna hi a rapthlak hle ang, a ti.
