Vawiin ni 29.4.2024 Thawhtanni hian MNF chuan Mizo Hnam Run-ah Chhung inkhawm a nei a, Dr. R. Lalthangliana Sr. Vice President chuan thusawiin, MP (Lok Sabha) inthlan chu Pathian zarah tluang tak kan nei zo thei chu lawmawm a tih thu a sawi a, Pathian puihna in chak theihna sang tak kan nei a ni a ti.
Dr.R.Lalthangliana chuan, Zoram dung leh vang fangin Mizoram chhung MP, Lok Sabha inthlanna tur atan kan campaign chhuak vek thei a, kan campaign tawhna ah mipui ten min support em em a, MNF Campaign Directorate leh Party Worker rim tak a thawktu zawng zawng leh mipui, MNF support tu zawng zawng hnen ah lawm thu a sawi a, Pathian zarah chak theihna sang tak kan nei a ni, a ti.
Pu Thangtea chuan, MNF in kan sorkar chhunga kan thil lo tih that tawh te Health Minister a nih chhunga Ram leh hnam, mipui tana tang kai tur a lo tih tawh te sawi bawkin Mizoram State Cancer Insitute (MSCI) tan a theih tawp a lo chhuah dan te a sawi a, Japan International Corporation Agency (JICA) te nen tangkawp a, Mizoram State Super Speciality Cancer & Research Center (MSSCRC) Zemabawk a din tur an lo tih fel dan te leh Project, Rs 700 crore lai loan agreement sign anih tawh dan te a sawi bawk a ni. Hetiang Project lian tham MNF sorkar hun lai a an ti hlawhtling thei kha a lawmawm atih thu asawi bawk a ni.
David Zohmangaiha Corporator, AMC pawhin thusawiin, MNF Party hi Hnam Party anih angin ram leh hnam leh sakhua kan vei nasat angai leh zual hle a, ram leh hnam tana kan hmachhawp thil tam tak tihlawhtling tur a theih tawp chhuah atul thu te sawiin, party worker te pawh hei aia nasa a zawk a, Pathian leh kan ram tan ke pen a, thei tawp a tan lak atul thu a sawi bawk a ni.
