Nikhat awh Workshop buatsaih

Local Administration Department chuan vawiin Dt.12.04.2022 (Thawhlehni) hian India ramin Zalenna a hmuh Kum 75-na lawmna Azadi ka Amrit Mahotsav pualin ‘Localisation of Sustainable Development Goals’ tih thupui hmangin nikhat awh Workshop a buatsaih a. Workshop hi Conference Hall, Planning & Programme Implementation Department ah neih a ni. Pi Rita Lalnunmawii Pachuau, Director, Local Administration Department in Workshop hi a kaihruai a. Pu R.Vanlalsawta, Joint Secretary, Local Administration Department chuan kalkhawmte hnenah thuchah tawi sawiin LAD in Leng leh Maubuang Village Council te hmalakna chungchang Documentary Film a siam chu mipui en theih turin a tlangzarh bawk a, heng documentary film te hi Directorate of LAD YouTube Channel ah en theih a ni. He workshop ah hian Sawrkar lam mithiam ten Hmasawnna Ngelnghet (Sustainable Development Goals) chungchang sawiin Local Administration Department, Planning & Programme Implementation Department, Finance Department leh State Institute of Rural Development & Panchayati Raj Department atanga mithiam kal khawm ten tualchhunga Sustainable Development Goals hlawhtlin theih dan tur ruahmanna an siam bawk a ni. Sawrkar laipui chuan Ni 11.04.2022 atanga 17.04.2022 thleng hi Iconic Week tiin Azadi Ka Amrit Mahotsav lawm nan ruahmanna a siam a. Nimin Ni 11.04.2022 khan Iconic Week hawnna programme hi Pu M. Venkaiah Naidu, Vice President of India hovin Delhi ah neih a ni a, he programme ah hian Pu K. Lalrinliana, Minister, LAD pawh a tel a ni.