FCS&CA chuan thuchhuah a siamah, “Lumding leh Badarpur inkarah rel kawng chhia a awm avangin IOCL POL Depot, Silchar atangin petrol leh diesel a thiar theih rih loh a, Lumding leh Betkuchi atanga lak a ngai rih a. Hemi avang hian ramchhungah POL a bikin Petrol leh Diesel lakluh a muanchan deuh dawn avangin khaihlak palh a awm loh nan Filling Station (Petrol Pump) ten motor a thun theih bak gallon/barrel/bottle etc. hmanga pek chhuah loh tur a ni,” an ti.
Harsatna lian zawk tawk lova mipuiten an mamawh ang Petrol leh Diesel rualkhai taka an hmuh theihnan ‘The Mizoram Trade Articles (Licensing and Control) Order, 1987’, para 24 leh 25 in thuneihna a pek angin a hnuaia khuahkhirhna hi siam a ni.
Petrol pump-te’n a hnuaia tarlan ang hian petrol/diesel mamawhtute hnenah an pe chhuak tur a ni.
Buhfai/Essential commodities phur truck to chu an challan milin an kal lam leh haw lam daih pek tur a ni ang.
