Vawiin (Ni 7. 5. 2024) hian Lalrinpuii Minister, Health & Family Welfare Dept. etc. hnenah Upa Committee ZPM Gen. Hqrs. chuan, Senior Citizen tan sorkar Damdawi Ina inentirna Card (rawng hran) siamsak turin an ngen a. An ngenna chu, hma laksak nghalin, Official-te a biaksak a, an tihhlawhtlin tur thu a lo hrilh nghal avangin lawmthu an sawi.
Upa Committee ZPM Gen. Hqrs. chuan, “Old Age Pension buaipui tura Mizoram Upa Pawl (MUP) kuta dah leh tura kan ngenna pawh, min bawhzui sak a tum thu min hrilh nghal a, a chungah hian kan lawm takzet a ni.
“Zoram leh mipui tana inpe zo tak Minister kan nei hi kan chhuang a. A hmalak zelna turah duhsakna sangber kan hlan a ni,” an ti bawk.
