Vawiin khan Joint Council of Mizoram Rural Bank Union te chuan Chief Minister Pu Lalduhoma hnenah Chief Minister’s Relief Fund atan Rs. 400000 an chhunglut a. An dil pawh ni lova an dinhmun chawikanna tur leh an mamawh Ministry of Finance, Government of India a thlen sak avangin an lawm hle tih an hrilh a. Keini MRB a thawk te mai nilovin All India Regional Rural Bank Association pawhin ropui an ti a ni, an ti.
Chief Minister hian kumin February ni 10 a Union Minister of State for Finance, Dr. BK Karad hnena Mizoram Rural Bank hmasawnna tur a thlen, Mizo thalai Regional Rural Bank-a tam zawk an luh theih nana Special Recruitment Examination buatsaih te, SBI thawktute nena Allowances intluktlang pek te leh bank thenkhat an hnena loan diltute Income Tax Returns document lo phut thin ten Income Tax pe ve lo kan nih anga min ngaihhnathiam theih nana dilna a thlen te chu reiloteah a taka hmuh a beisei thu a lo hrilh a ni.
