Ni 13.05.24 khan Aizawl DEF chuan Best VDP of the Month, Aizawl hnenah lawmman an pe tan a. He hun hi VDP office, Electric Veng-ah neih a ni. VDP tha ber lawmman, April thla chhunga citation semna chu Electric Veng VDP hnenah pawisa fai Rs.3000 nen pek a ni. Tin, BSUP, Edenthar atanga heroin gram 17 man kaihhnawiha an thawhrimna leh an thawhhlawk avangin Special Cash Reward citation with cash of Rs.2000 pek a ni bawk. He hunah hian Ruihhlo hmansual chungchangah Awareness campaign neih a ni bawk.
He system of awarding Best VDPs, thla tin, Aizawl hmun him leh muang taka siam tura VDP-te hmalakna hriatrengna atan hman a ni. Thil dang bakah ruihhlo chungchanga intelligence tam zawk khawlkhawm te, Burglary prone area-a patrol leh CCTV camera tam zawk dah te an ngen bawk.
