Mizo Students’ Union : General Headquarters Aizawl chuan vawiin may ni 17,2024 chawhma dar 11 khan Rawpuichhip khuaah MSU Rorelna sangber dawttu Federal Body Meeting neiin, President Samuel Zoramthanpuia kaihhruai na in agenda hrang hrang sawiho a ni a, chung zingah chuan hengte hi pawm tlan a ni.
1. Elementary, High School leh Higher Secondary school upgrade leh Provincialised tura Mizoram sawrkarin order alo chhuah tawh angin, Zirlai leh School te’n hamthatna an dawn vat theih nan a rang lamin Mizoram sawrkar hnenah thlenin hmalak ni rawh se.
2. Mizoram chhunga danlo a khawdinte tihtawp a nih theih nan leh a chhunga chengte dapchhuah a hmalak ni rawh se.
Rorel inkhawm zawh hian chawhnu dar 1:00 ah vantlang inkhawm neih a ni. R.Lalthazuala, Director Rural Development chuan Khuallian niin a hmanpui a, Rawpuichhip khua NGO hruaitu hrang hrang leh VCP bakah zirlai engemawzah an tel a ni.
Khuallian R.Lalthazuala chuan Thalaite hi khawtlang ro kan ni a, Kan Ram leh khawtlang alo changkan theihnan theihtawpin lehkha kan zir anga, taima takin hna kan thawktur a ni a ti.Zirlai kan nih chuan mahni kan inhriat chian angai a, chu chuan hlawhtlinna kawngah min hruai dawn ani a ti a, duhthlanna kan siamthiam a pawimawh hle a ni ati bawk.
RK Hnuna, Adviser MSU General Headquarters chuan Kan Ram leh hnam a ral lohna turin MSU chuan ke a pen zel dawn a ni a ti a, zirlaite fuihna thu hrang hrang a sawi bawk .
