Ministry of Skill Development (MSDE) hnuaiah NSDC leh Skill India tangkawpin National Skill Competition – Indiaskills:2024, May ni 15 – 20, 2024 chhunga Yashobhoomi Covention Centre, Dwarka, New Delhi hmuna neihah Mizoramin Medal 8 a la a ni.
Intihsiak kharna inkhawm Yoshobhoomi Covention Centre, Dwarka a neih ah hian khuallian, Pu Atul Kumar Tiwari, Secretary, Ministry of Skill Development (MSDE) chuan India ram chu skill a ṭhanharh nasat zia a sawiin thalai te hma la thar zel turin a chah a ni. Thusawitu dang, Pu Ved Mani Tiwari, CEO, NSDC chuan North East State te skill lama hma an sawn nasat zia sawiin, Mizoram in hma a sawmna chu fakawm a tih thu a sawilang a ni.
Labour, Employment, Skill Development and Entrepreneurship Department hmalaknain Mizoram chuan Indiaskills Competition : 2024 a tel turin trade 16 ah mi 16 a tir a, Intihsiakna hi May 16-19 chhunga neih niin May 20 a Clossing Ceremony hman niin Mizoramin hetiang hian lawmman a dawng a ni.
1. Maximus Lalruatkima – Gold (Floristry)
2. Vanlalbiakdiki – Gold (Shoe Making)
3. Emily VL Thakimi – Gold (Fashion Technology)
4. Anthony Lalchhanhima – Silver (Drone Film Making)
5. Laltlanzovi – Medallion of Excellence (MoE), (Hair Dressing)
6. Vanlalhriatchhungi – Medallion of Excellence (MoE), (Beauty Therapy)
7. Liansangrem – Medallion of Excellence (MoE), (Plumbing & Heating)
8. Lallawmkima – Medallion of Excellence (MoE), (Electrical Installation)
Indiaskills 2024, National Competition-ah hian Competitors 1000 chuang State hrang hrang atanga State Winners theuhte kalkhawmin trade 61 hnuaiah intihsiakna an nei a, Mizo thalaite pawh skill trade 16 hnuaiah an tel thei a ni. He intihsiakna Gold leh Silver dawngte hian Worldskills : 2024, Lyon, France-a kumin September thla a neih turah India aiawhin intihsiakna an hmachhawn leh dawn a ni.
Mizoram Team-te hi LESDE Department Director, Pi Angela Zothanpuii hovin Official mi paruk ten an hruai a. Mizoram hi Indiaskills competition-ah a tum 2 telna niin kum 2022 khan Medal 2 Gold leh Bronze lo la tawhin, kumin hian Medal 8 an la leh thei a ni.
Mizoram Team te hi vawiin khan Mizoram lo thlengin, Lawmna Inkhawm tawi Airport chawlhbuk hmunah Department-in an lo buatsaih a, Officials leh participants Nu leh Pa ten he hun tawi hi an hmang ho thei a ni.
