Vawiin date 21st May 2024 Thawhlehni khan C.Lalchhandami Chairperson, Mizoram State Commission for Women chuan Delhi a Ministry of Social Justice and Empowerment hotunu Radhika Chakravarthy -Joint Secretary hmuin, Mizorama hmeichhia ruihhloin a tihbuaite leh rahbi tleu laklawh avanga mahni taksa zuar hial ten lei rem an rah leh a, kawngdik an zawh leh theihna tur leh anmahni intunnunna tur te bakah hmeithai te leh fahrah te an pasal ten ruihhlo an tih nasat avang a boralsan te intunnun (rehabilitate) na turte a sawipui.
Radhika Chakravarty chuan Mizoram Women Commission chu theih tawpa puih a tum thu leh Ministry ah rawtna (proposal) te siama thehlut turin thurawn a lo pe a. Mizoram Women Commission chu State action plan hnuaia intatlut tur leh chutah chuan project thar tam tak dil theih a awm thu a lo hrilh a, amah ngei pawh Mizoram lo kal thuai a tum thu a hrilh bawk.
C.Lalchhandami chuan Joint Secretary a hmuh zawh hian Director, Ministry of Social Justice & Empowerment chu a Office ah ahmu leh nghal a, Director pawhin Mizoram Women Commission chu a theih ang anga kawngtin renga puih a in huam thu a lo hrilh bawk a ni.
