Mizo National Youth Front Hqrs Aizawl President Pu Robert Romawia Royte MLA leh MNYF Hqrs General Seceratary pali(4) te chuan Sorkar hmasa MNF sorkarin Central sorkara alo nawr thin anga MNF hunlaia Tripura atanga Gaspipe Hachhek biala phum tan tawh chhumzawm zel dante an enho a,Mamit District kaltlanga Mizorama gas pipe phum hna chhunzawm zel a ni chu lawmawm an ti a.
Hei bakah hian sorkar kalta MNF sorkar hmalaknate sorkar thar ZPM sorkarin a chhunzawm dante a hmuna kalin an enfiah bawk a. MNYF Hqrs hruaitute chuan Kawrthah khuaa Residential Sports School Rs Rs 3286.38 lakh senga sak mek a hmunah an tlawh a. He project in a ken tel Phul lem Football Field chu zawh tawh niin Volleyball Court leh Basketball Court te erawh sak mek a ni. He sikula building sak tur zingah hian Multipurpose Hall sak zawh tawh niin Hostel building pahnih (2), Academic building,Teachers Quarters leh Principal Quarters te pawh 87% sak zawh tawh anih thu site engineer-in MNYF hruaitute hi a hrilh a,Sorkarin an bill te pe se chuan zo mai thei an ni tih a sawi.
MNYF Hqrs hruaitute chuan Mamit khawpuia Residential Sports School,Luangpawl tlanga Rs 3200 Lakh chuang senga a sak mek pawh a hmuna kalin an tlawh a. He sikulin a kentel Multipurpose Hall chu sak zawh tawh niin a kentel dang Astroturf Football Field te, Basketball court te,Volleyball court tepawh June 2024 a zawh an tum thu site engineer duty ten an lo hrilh a. Building dang dang panga(5) te chu 85% an zawh tawh thusawiin sorkarin bill an pek chuan hnate chu zo mai thei dinhmunah an awm tawh tih an sawi.
MNYF Hqrs hruaitute chuan Mamit Mangkhawngdaia Community Centre building te, Basketball court te ,Tennis Court 2 te, Futsal Ground te a hmunah tlawhin an en bakah Mamit Multipurpose Indoor Stadium sak mekte an tlawh a,Mamit khawpuiin sports infrastructure tha tak tak an nei ta chu an lawmpui thu an sawi.
MNYF Hqrs hruaitute chuan an projects tlawhah te Sorkar hmasa hnathawh sorkar tharin tha taka an chhunzawm chu lawmawm an tih thusawiin Department tinin sorkar hmasa hnathawhte tha takin chhunzawm vek se chuan sum lapse leh a kaihhnawih harsatna te chu thleng lo tur a ni.Sorkar hmasa hnathawhte chhunzawm tha duhlo te chu an mualpho fo a ni MNYF Hqrs te chuan a ti.
