Aizawl, April 13 : Food, Civil Supplies & Consumer Affairs Director Pi Ramdinliani chuan a hnuaia tarlan ang hian dan kalha POL sumdawnna hmun dapchhuah leh man theihna thupek a chhuah.
Liquefied Petroleum Gas (LPG) leh Petroleum, Oil & Lubricants (POL) hmanga dan kalh leh diklo taka sumdawnna (black marketing) chungchangah a hnuaia Thupek (Order) tarlante hi Mizoram Sawrkar dan dinglai leh kalpui mek a ni a. He dan leh thupek kalha sumdawnna kalpui te chu hrem theih leh man theih reng an ni.
1. Liquefied Petroleum Gas ( LPG) dan kalha hralh chungchang
• Government Oil Company, Parallel Marketeer emaw, Distributor emaw lo chuan LPG hi customer hnenah hralhin sumdawnna kalpui theih a ni lo. [LPG (Regulation of Supply & Distribution) Order 2000, Section 6]
• Government Oil Company emaw, Parallel Marketeer lo chuan heng – LPG Cylinder (a ruak leh a khat), gas cylinder valve leh pressure regulator te hi midang hnenah an supply emaw, an hralh emaw phal a ni lo. [LPG (Regulation of Supply & Distribution) Order 2000, Section 7(1) (a).]
• Government Oil Company emaw, Parallel Marketeer emaw te’n phalna an pek a nih loh chuan heng – gas cylinder (a ruak leh a khat), gas cylinder valve leh pressure regulator te hi customer ni lo hnenah an supply-in an hralh thiang lo. (LPG (Requlation of Supply & Distribution) Order 2000, 7(1) (b).]
2. Liquefied Petroleum Gas (LPG) dan lova sumdawnna hmun dapchhuah leh man theihna thupek (Order)
• Central sawrkar emaw State sawrkar hnuaia Inspector rank aia hniam lo emaw, Government Oil Company hnuaia Sales Officer (Central Govermnent-in thuneihna a pek) aia hniam lo te chuan LPG (Regulation of Supply & Distribution) Order 2000 hi zawm a nih theih nan-
a) Petroleum phurhna leh dahkhawlna hmanrua engpawh, heng – lirthei, bur, bel, zem (vessel), etc. emaw chutiang atana hman theih emaw, hman tura siam te chu a ti dingin; a dap thei ang.
b) Khawi hmun pawh a lut theiin a dap thei ang.
c) LPG (Requlation of Supply & Distribution) Order, 2000 kalhin emaw, kalh theiin emaw thil thleng theia a hriat chuan LPG stock, a stock-na leh LPG kaihhnawih thil – cylinder, gas cylinder valve, pressure regulator leh seal te a man sak thei. [LPG (Regulation of Supply and Distribution) Order, 2000, Section 13(1) (a), (b), (c).]
3. POL dan in a phal bak kawl leh hrem theihna thupek (Order)
• The Mizoram Trade Articles (Licensing and Control) Order, 1987 Section 18 hmangin POL danin a phal bak kawl te chu man theih an ni.
• Mi tupawh The Mizoram Trade Articles (Licensing and Control) Order, 1987 dan kalha thil a tih chuan Essential Commodities Act, 1955 hnuaia section 7 hmangin hrem theih a ni.
4. POL dan kalha sumdawnna hmun dapchhuah leh man theihna thupek (Order)
• Licensing Authority emaw, Executive Magistrate emaw, Police Officer (Sub-Inspector aia hniam lo) emaw Civil Supplies Department officer tupawh (Sub-Inspector aia hniam lo) leh State Govemment-in thuneihna a pek te chuan The Mizoram Trade Articles (Licensing and Control) Order, 1987 zawm a nih theihnan-
a) Khawi hmun leh a vel pawh luta hawn tirin, dan kalha POL chheprelh a awm leh awm loh a enfiah thei ang. Hei hi The Mizoram Trade Articles (Licensing and Control) Order, 1987 dan kalha thil thleng emaw, thil thleng theia a hriat pawhin a ti thei ang.
b) Dan kalha sumdawnna thil dahkhawmna hmun, The Mizoram Trade Articles (Licensing and Control) Order, 1987 kalha thil tih a awm emaw, awm theia a hriat pawhin a dapin a man thei ang. Hei bakah hian heng dan kalha sumdawnna article phurh nana hman lirthei leh hmanrua (vessel) te a dapin a man thei bawk ang.
c) Heng endikna (Inspection) a neih naah hian tupawh zawhna pawimawh leh tula a hriat a zawt thei ang.
• The Mizoram Trade Articles (Licensing and Control) Order, 1987 Section 30 hnuaia Clause (1) hnuaia zawn/dap leh man danah hian Code of Criminal Procedure, 1973 (Section 100) zawm tur a ni.
