Lai Autonomous District Council.a Chief Executive Member C.Lalmuanthanga chuan nimin leh vawiin hian MDC a a tlinna bial South Lungpher bial tlawhin a kalkawngah Lungzarhtum leh Bualpui NG a tlawh a, a bial chhung Siachangkawn leh South Lungpher ah te khawnawtin an lo hmuak.
CEM hi a tlawh khua ah te khawtlang huapa lo hmuah niin, khawtin ah mipui hma ah thu sawiin, a kahhruai LADC.sorkar chu rethei leh chanhaite banphakah siam an tum tih sawiin, LADC.a sorkar thar chu Congress leh MNF te siam nimahse, amah ngei pawh Congress MDC nimahse, CEM nihna chu party tan a nilo tih sawiin, kan ram hi siamthat theihloha chhia a nilova, a bikin thalaite harhthar a ngai hle tih CEM chuan sawiin, enghna pawh thawk ila, Pathian tihna nen taima taka thawkten malsawmna an dawng thin a ti.
C.Lalmuanthanga chuan mahni hnam ngaineptute, mahni hnam ziarang zahpuitu hnam dingchhuak an awm ngailo tih sawiin, Laifate chu Lalpan chenna ram a pe a, ramri a khamsak chhungah mahni hnam leh ziarang humhalh a, midang tan hnawksak silova theihtawp chhuah a ngai a ni a ti.
CEM chuan LADC sorkar fuke la kimlo chu a kimthuai beisei a nih thu sawiin, reilote ah LADC.Sorkar chu fuke kimin a kal thuai dawn a ni a ti.
CEM thar hi nimin tlai khan South Lungpher khawtlang chuan a khawnawt in ruai nen an lo hmuak a, vawiin lam ah pawh CEM puala ruai buatsaih an lawm.
CEM hi a nupui LS Pari bakah MDC panga, Sanghuliana Mualchin, C.Rongura, L.Daniala, JB Vanhoy, H.Lalmuansanga ten an tawiawm a, nizan khan South Lungpher ah riakin vawiin khan Lawngtlai a lut a ni.
