Champhai Police-te chuan Champhai DC Multipurpose Hall atanga kuhva rah ro man tawhsa ruk chhuah tum mi paruk an man.
Champhai Police-te hian kar hmasa Inrinni tlai khan Champhai SDO (Sadar) hnen atangin FIR an dawng a, DC Multipurpose hall, Keifangtlanga kuhva rah ro man sa an dahkhawm chu mi thenkhatin an la chhuak tih leh, ruk tura an chhawp chhuah nia hriat bag 21 hmuh chhuah a nih thu a thlen a, hemi an bawhzuinaah hian kuhva rah ro ruk chhuah tumtu mi 6- Laltharzuala, Albert Lalduhzuala, Lalthakima, Tlanglianthanga, Lalhriatthara, Lalrindika leh K Vanneia te chu DC Multipurpose hall ah hian kuhva rah ro an la chhuak leh tur an man a ni.
Heng kuhva rah rote hi Champhai bawrhsap hlui Maria CT Zuali hunlaia man tawh kha nia hriat a niin, pawikhawihtua puhte lakah hian IPC Section 454/457/380/34 hmangin thubuai siamsak an ni.
Champhai Police te hian nizan khan Khankawn Police checkgate atangin kuhva rah, Champhai atanga hmun dang panpui tur an man bawk a ni.
