Dated, Aizawl. 25.May ’24 (inrinni); hian ZPM Ṭhalai Hqrs leh Save The Riparian te huaihawtin Khatla lui thianfaia hnatlang a ni.
Hnatlang ṭan a nih hma hian hunserh tawi hman a ni a. Jeje Lalpekhlua MLA, ZPM Ṭhalai President chuan a kaihruai a,
K.Sapdanga Home Minister chuan thu tawi sawina hun a nei.
Pu Sapa chuan, “Kan Aizawl khawpui hian harh tharna kan chang mek a, Save The Riparian ten hma hruaiin Aizawl chauh ni lo, Mizoram hmun hrang hrangah lui dung thenfai nachang kan hre ta. Mizo mipuite hian zui tur dik kan hmuh phawt chuan hmun ṭawp leh ṭawp lo thliar lovin lui dung pawh kan suar peih mek a ni. A bikin Aizawl khawpui hian faina kawngah hma kan hruai a ngaia, state capital ber hi entawntlaka khawsak kan zir a ngai a ni”, a ti.
He hunah ZPM Gen.Headquarter President Pu Lalliansawta chuan ṭawngṭaina hun a hmang a. MLA leh Minister ṭhenkhat ten hnatlang athawk chhuak te min ṭawiawm bawk a ni.
