United States of America rama Zohnahthlak cheng zinga Zomi hnam, Babtist Kohhrana lawi in tel khawm, ‘Zomi Babtist Churches of America, (ZBCA) hruaitute chuan Myanmar, Bangladesh leh Manipur State buaina avanga Zohnahthlak harsatna tawkte Central YMA in a lo dawnsawn dan leh raltlante a lo enkawl danah lawmawm an tih thu Rev. Dr. Pau Khan Lian, General Secretary, Zomi Babtist Churches of America (ZBCA) chuan lehkha ziakin an rawn thlen a. Tin, Central YMA ten a tul apianga Raltlan te tana Central YMA in a lo hman atan, ZBCA aiawhin Lalruatkima Administrative Officer, Baptist Church of Mizoram, Headquarters Office, Serkawn, Lunglei chuan vawiin tlai khan Rs. 2,00,000/- (cheng Nuaih hnih) chu Central YMA hruaitute hnenah a hlan bawk a ni.
ZBCA aiawha Central YMA rawn tlawhtu hi Central YMA President, Lalhmachhuana leh Fin.Secretary MS Ralte bakah Pu HF Lalrinpuia, CEC ten Central YMA Office-ah an lo dawngsawng a ni.
