Vawiin khan Chief Minister Lalduhoma leh Home Minister, K. Sapdanga, Disaster Minister ni bawk te chuan Melthuma chhiatna thlenna hmun an tlawh a. Chanchinziah lai hian Ruang lak chhuah tawh 12 te Melthum Presbyterian Kohhran Hall a dahte chu puanin an tuam a, ruang lakchhuah tawh zinga Mizo pariat te chu sawrkar ralna (ex gratia), a hmahruai atan Rs. 200,000 theuh an hlan.
Mitthi te aiawh hian Melthum Local Council Chairman Saihmingliana’n a dawng a. Sawrkar hian mitthi te hi Rs. 400,000 theuhvin a ral dawn a, tuna an pek bak a dang hi chhiatna report engkim a fel fai hnuah hlan leh tur a ni. Non-Mizo thi te erawh hi chu an bank account ah thunsak tur a ni ang.
Tin, ruang la hmuh loh te pawh lakchhuah an nih veleh ralna hmahruai hi pek nghal mai theihin DM & R Department chuan ruahmanna a siam fel sa vek tawh a ni. Tin, Chief Minister hian Melthum YMA hruaitute hnenah thingpui lumna tur Rs. 50000 a hlan bawk. Chief Minister hian a tul angin hmun dang pawh a tlawh kual zel dawn a ni.
