Vawiin ni 8th August, 2024 (Ningani) hian Aizawl Municipal Corporation Ward No VI by election neih tura ZPM official Candidate Pu H. Lalremtluanga chuan Pu Mark Lalthanliana, MCS, Additional Deputy Commissioner, Aizawl hnenah nomination a file a, ZPM General Headquarters leh ZPM Aizawl North III Block hruaitu thenkhatten an tawiawm.
Pu H. Lalremtluanga chuan, hun lo taka Pu John Zosangliana’n chatuan ram min pansan chu pawi a tih thu a sawi a, Pu Johna’n Ward VI tana hma thlir a lo neihte leh a ruahmannate chhunzawm sak tur leh sawrkar tha chakna hmanga Ward – VI tana hmasawnna, rotling leh chhenfakawm a tam thei ang ber siam turin Pathian chakna ring chunga ding a nih thu a sawi bawk.
Vanduaithlak takin AMC Ward No. VI Corporator Pu John Zosangliana chu ni 21 March, 2024 khan a boral a, a hmunruak hnawhkhat tur hian AMC by election hi neih a lo ngai ta a, by election hi ni 22 August, 2024 a neih tur a ruahman a ni. ZPM party chuan Candidate zawng zawngte thianghlim taka campaign turin duhsakna a hlan a, ZPM candidate vote theuh turin Ward No VI mipuite khawngaihna leh duhsakna a dil a ni.
