ZPM chuan thuchhuah siamin, “9th Mizoram Assembly 3rd Session ni hnih chhung awh neih zawh takah Mizoram ṭhalai mimal leh company-te’n sumdawnna leh mahni kutkawih eizawnna kawnga ke an pen ve theihna tura loan pûk duhte tâna guarantor a sawrkar a ṭanve theihna tur dân, The Mizoram Ceiling on Government Guarantees (Amendment) Bill 2024 Chief Minister-in a chhawp chhuak leh lungrual taka pass a ni hi a ropui kan ti a, ṭhalai mimal leh company-te tâna guarantor a sawrkâr a ṭanve theihna tur dân siam hi tun hma aṭang tawha vawiina kan Chief Minister Pu Lalduhoma’n a lo aupui tawh leh a lo intiamna a ni a, ZPM a sawrkâr hnu lawka a intiamna leh a au hla tihhlawhtlina a awm hi a thlamuanthlak kan ti a, mahni thu tiam leh mahni au hla a ding Chief Minister kan nei hi lawmawm kan ti.
“He dân siam ṭhatah hian ṭhalai zînga sum leh ro dahkham tur nei lo, mahni ke a ding chhuak tura a ngaihna hria leh taimakna neite tân zau taka kawng a inhawng hi a lawmawm kan ti a, ZPM kaihhruai Mizoram sawrkâr chu mipuite sawrkâr a nihzia a lang chiang hle-ah kan ngai a ni.
“The Mizoram Ceiling on Government Guarantees (Amendment) Bill 2024 hi Mizoram sawrkâr flagship programe, bâna kaih policy (handholding policy) a hlawhtlin theihna tura kawng pawimawh tak niin, nuai 50 chin loan-ah guarantor a sawrkâr ṭan-te, interest free loan pêk chhuah leh special package loan pêkna turah-te he dan hian kawng a rawn hawng a, miretheite thleng phâk dân kan nei ta a ni.
“He dân siam ṭhat a move-na ah, party thliar lova a ngaihna hria leh mi taimate din chhuahna tura he ruahmanna hi siam anih thu, Chief Minister-in huaisen taka a puang chhuak khan Zoramah mipui sawrkâr dik tak a lo ding ta a ni tih a nemnghet a, Mizoram ṭhalaite tan a thlamuan thlak hle a ni,” tiin an tarlang.
