Evangelical Free Church of India (EFCI) kohhran rorelna sângber dawttu Executive Council vawi 111-na chu August 21-22, 2024 chhung khan EFCI Evangel Mission Center -cum- Guest House, Pillangkatta, Meghalaya-ah tluang takah neih a ni. North East India state panga leh Northern India ațangin rorel palai 81 an kal thei a, kal remchâng theih lo mi 8 in an pha a ni.
He Mid-Year Executive Council hi Moderator, Rev. Rohminglien Pakhuangte kaihhruaina hnuaih neih niin, Council Secretary chu Rev. Jessai L. Neithâm a ni.
Agenda lût hrang hrang ațangin Resolution 31 thlâk a ni a. Hêng zîngah hian EFCI Constitution Amendment peih fel mêk, Church Establishment Fund duan thar, The Evangelical Study Bible buatsaih tur, Nilai Zân Thupui zirhona leh Kohhran Calendar-a Ni pawihmawh te hman dân thlîrnawn, Wales ramah deputation-a rawngbawltu tîr te bâkah Pastoral leh Assembly Finance Committee thulût te chu sawihona neih zîngah mi te niin, Council neih leh hunah sawi zawm turah dah pawh a awm nual a ni.
EFCI kohhran rorêlna sâng ber General Assembly vawi 52-na leh Executive Council vawi 112-na te chu nakum March 4-9, 2025 chhung hian Shillong, Meghalaya Presbytery mikhualnaah neih turin program duan nghâl a ni bawk.
