Mizoram Industry Owners Association chuan Thawhlehni khan F. Rodingliana In Dawpuiah OB meeting neiin, Property Tax Chungchang an ngaihtuah a, “AMC in property Tax lak tur a an hmalaknaah hian Industrial Area chhunga Industry neitu ten hriatthiam loh kan neih avangin ngun zawk a zirchhian nise kan ti a. Sorkar ah Allotment fee tam tak kum tin min chawi tir hnuah AMC ah Property Tax pek leh hi kan tih tur a ni em tih hi Dan hre mi te rawn phawt ni se kan ti a,
“State dang ah pawh Industrial Area ah property Tax hi an chawi lo niin kan hria a, sorkar ah kan thu hi thlen nise kan ti. Kan members te pawh MIOA in thu chiang a hriat hma chu property Tax hi lo la pe rih lo tur in kan in ngen a.
“Industrial Area hrang hrang a Industry neitu te hi kan chep ta hle mai a Dan loa Industry rama inbengbel tumte leh Industry din tum lo a, thu neitute kaltlang a ram rawn hauh ringawt te hi kan thalai ten sorkar hna thlir mai lo a Eizawn na ngial nghet Industry lam a hma an rawn lak ve thei nan Industry department pawh in tuna ram la awm chhun te hi tun aia khauh zawka humhalh turin hma la tur a ngen ni se a, anhma lak na pawh kan tih ve theih a awm chuan pawl anga tawiawm zel ni se,” an ti a.
“Hunrei tak a tang a kan lo nawr tawh hnamdang Company ISPAT hnen a sorkar in kum 99 allotment a pek ang hian a ram leilung fa te hi min pek ve thei nan tun ai a chak zawk a nawr ni se kan ti,” tiin an tel bawk.
