Vawiin khan Mizoram State Election Commissioner atana ruat Dr. H. Lalthlangliana chuan State Election Commissioner hna zawmin a pisa a luah thar a. Office staff te nen inkawmhona an nei.
SEC thar Dr. H. Lalthlangliana hi MCS zinga senior ber, Land Revenue & Settlement Department Secretary ni lai a ni a, Secretary a nih hma hian Mizoram Sawrkar hnuaiah hna hrang hrang Aizawl Municipal Commmissioner, Deputy Commissioner, Kolasib leh School Education Director hna te a lo chelh tawh a; nakum December ni 31-a pension tur niin, State Election Comissioner atana ruat a nih tak avang hian nimin September ni 9, 2024 khan Sorkar atangin Voluntary pension in a chhuak ta a ni. SEC ah hian kum 5 emaw amah kum 65 anih thleng emaw a thleng hma zawk zawk thleng thawk tura ruat a ni a, SEC thar hian a term hmang tluan pawh nise kum 65 a tling hman dawn lo tihna a ni.
State Election Commissioner-ah hian Sorkar Department-a Secretary puitling ni tawh, Election lama experience nei tha kum 65 la tling lo te ruat theih a ni a; SEC-ah hian Pu C Ropianga IAS (Rtd), Pi L.Tochhawng IAS (Rtd), Pu Lalnunmawia Chuango, IAS (Rtd) (CS ni chunga charge la) leh Pu Laima Chozah IAS (Rtd) ten he hna hi an lo thawk tawh a, Dr. H Lalthlangliana, MCS (Rtd) hi Mizoram State Election Commissioner 5-na ni tura ruat a ni leh a ni.
