Mamit April 23 : Dr. R. Lalthangliana, Hon’ble Minister, Commerce & Industries, Govt. of Mizoram leh H.E. Mr. Tipu Munshi, Hon’ble Minister, Ministry of Commerce, Bangladesh te chuan vawiin khan Silsuri – Sajek Border Haat siamna tur hmunhma tlawhin Mizoram leh Bangladesh insumdawntawnna tur kawng hrang hrang an sawi dun.
Bangladesh Commerce Minister chuan Border Haat, Bangladesh leh India insumdawntawnna tur chu ram pahnihte tana thil tangkai tak a nih dawn thu sawiin he Border Haat hi peihfel thuai anih theih nan Bangladesh Sorkar chuan chak taka hma an lak dawn thu a sawi.
Dr. R. Lalthangliana, Commerce & Industries Minister, Mizoram pawhin India leh Bangladesh insumdawntawnna tur Border Haat kan nei tur chu thil lawmawm tak a nih thu sawiin MNF leh India Sorkar inremna Memorandum of Settlement-ah Border Haat kalpui tura ziah lan a nih angin chak taka hmalak tum a nih thu a sawi a. Mizoram atangin hralh chhuah tur thil chi hrang hrang, in sakna leh kawngpui siamna hmanrua Lung, Rawra bakah thlai thar chi hrang hrangte kan nei dawn a. Hei hian kan ram economy a tihsan dawn bakah kan ram tan hmasawnna nasa tak a thlen a beisei thu a sawi.
Pu Lalrintluanga Sailo, Dy. Govt. Chief Whip leh Pu K. Laldawngliana, MLA, pawhin thu an sawi bawk.
Minister pahnihte hian vawiin hian Border Haat siamna tur lungphum an phum nghal a. Bangladesh ram chhung Udaipur thleng Border Haat hmunhma enfiahin an kal a ni.
Ram pahnihte insumdawntawnna tur Chittagong to Aizawl inkar kawng hlat zawng chu hetiang hi a ni.
Aizawl to Silsuri – 160 Kms
Silsuri to Sajek – 20 Kms
Sajek to Khagrachhari – 64 Kms
Khagrachhari to Rangamati – 72 Kms
Rangamati to Chittagong – 78 Kms
Aizawl to Chittagong – 394 Kms
Minister-te hi khawtlang hruaitute’n lo hmuakin vawiin Programme-ah hian Pu Lalrintluanga Sailo, Deputy Govt. Chief Whip, Pu K. Laldawngliana, MLA, Vice Chairman, Commerce & Industrial Development Board, Pi Esther Lalruatkimi, Commissioner & Secretary, Commerce & Industries, DC Mamit, SP Mamit, SDO (C), W. Phaileng bakah Commanding Officer, BSF te telin Bangladesh Sorkar atangin Jt. Secretary pahnihin an Minister hi an tawiawm bawk a ni.
