Zanin (dt. 15th November 2024) Dar 8:00pm khan Vanapa Hall kawt ah Mizo Defence League hmalakna in Jeribam, Manipur lam a zohnahthlak boralte hriatrengna hun candle light vigil buatsaih a ni a. He hun hi Paul LT Chhangte chuan kaihruaiin, mipui tamtak an kalkhawm nia ngaih a ni.
Pu Raphael Lalrinmawia Conviner Mizo Defence Leage in report a pe a, Mizo Defence League chu Manipur thil thleng ah chu a ban a seidawn a, India ram pawn thlengin a ban a pharin a khuap dawn tih a sawi a, Zo hnahthlak pasaltha te tawrhna awm tawh zawng zawng chu zahawm atih thu sawiin, tunthla chhung ngeiin Manipur Meitei ten mizoram chhuahsan turin a phut thu a sawi bawk. Pu Raphaela chuan kar leh a tangin member drive an nei dawn tih a sawi bawk a ni.
Pu Vanlalneiha Ralte, Secretary General ZPM chuan mitthi te hming lamin zahna chibai a buk a, Hnam anga tanrualna a piangah dinchhuahna a thleng thin tih sawiin, Manipur thi lthleng chu Politics a lo lak chi a nih loh thu te, Sawrkar in ngawi rengin hna a thawk tih hre tura kalkhawm te chu chah in, zangnadawmna an hmuh theih nan sawrkarin hma a la dawn a ti bawk.
PC party President Pu Vanlalruata chuan, Martar te avangin hnam hmangaihna a par chhuak tih sawiin, India sawrkar chu ngawireng lova hma la turin a phut thu a sawi a, Zo hnahthlakte chu India, Burma leh Bangladesh hnuaia sem darhin awm mahse, ram ropui tak ni turin kan harh thar mek a ni ti a, Mizoram sorkar pawh ngawi reng lova hmala turin a ngen bawk.
MSU aiawh in Pu Biakthianghlima, MSU Adviser chuan Myrtar te an sun thu sawi a sawi bawk.
Programme hi buaina leh harsatna awm lovin dar 9:22 PM khan zawh a ni a. A hnuai a mi ang hian resolution 2 an siam..
1. Tun thla chhung ngeiin Mizoram a Manipur Meitei ho ten Mizoram chhuahsan vek rawh se.
2. Hnam pasalṭhate ruang hian Mizoram paltlang ngeiin Lamka a Hnam Pasalṭha te thlanmual an thlen ngei theih nan a tawp thlengin ke kan pen ang.
