MPCC chuan thuchhuah siamin, “Kalphung tharah Congress sorkar hunlaia thlamuang taka sorkar hnathawk te’n ram leh mipui hmasawnna tûra zalenna an neih thin ang a awm ta lo/,” an ti.
MPCC chuan, “Ni 20.11.2024 (Nilaini) hian Dr. Lalmalsawma Nghaka, Treasurer MPCC leh Pu Anggu Lalhmachhuana, Chairman, Education Cell MPCC te chuan Saiphai leh Saipum khua an tlawh a. Dr. Lalmalsawma Nghaka chuan Saipum khuaa Party dang atanga Congress Party zawm thar chhungkaw pasarih aṭangin mi 27 a lawmlut a ni.
Dr. Lalmalsawma Nghaka, Treasurer MPCC chuan, “Mizorama sorkarna siam tawh zingah kan sorkar hrawn mek hian MNF sorkar kal tawh khumin Leiba hnutchhiah hnem ber sorkar a nih mai a rinawm ta hle a. Sum leh pai enkawl kawngah an khum khat sorkar hlimthla aṭangin an hlawhchham chho zel dawn tih a lang ruak thei a ni,” a ti.
Dr. Mala chuan sorkar hnathawk te’n an ngaihdan pawh sawi ngam lovin Transfer & Posting hmanga invaubehna a thleng mek tih thawn rivâ a ring ta hle mai a. Sorkar hnathawk (Official) mithiam tak takte hi kan ram leh hnam tan rohlu an ni, a ti bawk. Pu Mala chuan, “Kalphung tharah Congress sorkar hunlaia thlamuang taka sorkar hnathawk thin te’n ram leh mipui hmasawnna tûra zalenna an neih thin ang a awm ta lo hi a pawi hle a ni,” a ti a. Sorkar hnathawk te pawhin kan ram mipui tana tha tur anih a, Pathian mit hmuhah leh dân hnuaia a dik anih ngat chuan huaisen takin dikna leh rinawmna lama tang zel turin ka fuih duh a ni, a ti bawk.
Dr. Mala, Treasurer MPCC chuan, “Kan State thenawmah kan unaute tawrhna nasat zia kan hmuh hian rilru a ti naa, nunau leh kum upa zawkte tak ngial pawh nghaisak duhna a thleng a, nunna hlu tak rawng taka laksak an ni leh thin hian thinglung a ti nain, mut tuah a harsa thin hle a. Central Sawrkar in heti tak maia kan State Leader-te hi a ngainep emaw tih mai tura a ngawi thuap reng maite hian Central Sawrkarin MNF sawrkar kal ta leh tuna sawrkar kan hrawn mek ZPM sawrkar an ngaih pawimawh lohzia leh an ngaihnep zia a lang chiang tulh tulh a ni,” a ti bawk.
Dr. Mala chuan Saipum leh Saiphai Bialah sorkar laiin CM Special Package tiam a, sum leh pai nen nasa taka an bei chung leh MNF Bialtu MLA in an sawrkar laia a in chhekkhawl leh MLA Fund hmanga a bei chungin Saipumah Congress candidate vote 23 chauha a vanduai ta leh Saiphaiah Congress Candidate vote 26 chauha kan vanduai ta khan Congress a rinna nghat mipui an la tamzia a ti lang chiang a. A bik takin ZPM te hian SHC inthlana mipui tam takin an vote theih nana CM Special Package leh Hand Holding Policy hmanga Loan an tiam zawng zawngte hi ti hlawhtling ngei turin kan phut a.
Congress Party tan a rinawm tak a hnathawktute chungah lawmthu kan sawi a ni, tawngaina nen Pathian hnen atanga chhuak finna, huaisenna leh rinawmna dil reng chungin kan ram mipuite tan theihtawp chhuah zel turin a sawm a ni.
Pu Anggu Lalhmachhuana, Chairman, Education Cell MPCC chuan Zoram mipui a bikin miretheite tan Congress Party a sorkar leh a ngai a. MNF sorkar kaltaah mipui an beidawng ngawih ngawih a, mipuite hnena an tiam engmah tih hlawhtlin an nei lo. Kum 2023 inthlanah danglam bik leh tha bik nia insawi ZPM an sorkar a, beiseina sang tak neia kan thlir mek laiin fairel bel rawk zawngin mipuite harsatna siam zawng hlirin thil an kalpui a, kum 1 em pawh an sorkar hmain anmahni thlang tlingtute an inchhir tan der tawh a ni, a ti bawk.
MITHAR LAWMLUH LIST:
1) Pu Laltlawmlova Family -7
HPC Serlui Block Treasurer
2) Pu KN Hluana Family – 5
Ex- Vice President ZPM Serlui East Block
3) Pu Ralkapthanga Family – 4
MNF Party
4) Pu Lalniropuia Family – 5
ZPM Party
5) Pu David Lalsanglura Family – 2
ZPM Party
6) Tv. B. Lalrimawia – 1
MNF Party
7) Pu Lallawmsanga family – 3
HPC Group Ex President Saipum
ZPM Party aṭangin – 15
MNF Party aṭangin – 5
HPC Party aṭangin – 7
Total – 27 Voters
