ZPM Thalai chuan, “ZPM Party-in, kum khat (1year) chhung chauh rorelna kan chan chhungin Mizoramah Administrative Reform leh Mipuite Moral Reform tamtak kan thlentir hman hi ZPM Ṭhalai chuan lawmawm a ti em em a. Thawhrimna leh Dikna hmanga hmasawnna duhawm tak, Pu Lalduhoma Chief Minister leh a kaihhruai ZPM, mipui Sawrkar hian Mizo mipuite min thlenpui ngei kan beisei tlat a ni.Tin, Mizo mipuite tan Sawrkar in, Bill 46 zet kum khat chhung leka siama, a pass theihnate hian, ZPM mipui sawrkar chu Sorkar chak tak leh chhuanawm tak a nih zia a lantirah ZPM Thalai chuan a ngai a ni,” an ti.
Vawiina thuchhuah an siamah, “ZPM Kalphungthar, mipui Sawrkar-ah Mipuite tana rawngbawltu kan Sorkar hnathawkte pawh an thla a muang hle a, Sorkar hmasa lama an Dearness Allowance (DA) an tih pun an pek theih tawh loh pawh, Sawrkar thar chuan a hnathawkte ngaihsak in, a pe thei ta te hi ZPM Ṭhalaite chuan a lawmawm kan ti a, Sawrkar hmasa te’n, a hun taka sorkar hnathawkte hlawh an pek theih loh avang leh Dearness Allowance (DA) chungchanga an chanvo an lo pek theih loh avanga sorkar hnathawk inzawmkhawm pawl, Federation of Mizoram Government Emloyees & Workers (FMGE&W) in sorkar nawr nana thuchhuah siama an lo auchhuah ngai fo ta hial ṭhin te kha, tun sawrkarah chuan awmtawhlo in. Sawrkar hnathawkte hian an hlawh leh an chanvo dangte hi dan ang takin a hun takah an dawng thei ta te hi, ZPM Thalai Hqrts chuan lawmawm a ti em em a ni. Tin, Sawrkar hnathawk Pension-te tan pawh Sawrkar chuan hma nasa taka la in,Sorkar hmasa ten Kum 5 chhunga Pension Case Zakua Sawmsarih Pali (974) chauh antihfel theih laiin ZPM Mipui Sorkar chuan kum khat chhung in Pension case Sangsarih Zahnih Sawmthum Pasarih (7237) lai mai a chinfel sak thei ta te hi, ZPM Sawrkar chuan Sawrkar hnathawk mêk leh Pensioner-te tan pawha Nu leh Pa nih tling Sawrkar a nih zia a tarlangah ZPM Thalai chuan a ngai a ni.
“ZPM Kalphungthar,mipui Sawrkar chuan Hmeithai, Rualbanlote leh kan hnam rohlû kum lam Upa te tan theihtawpin hma a la zel a. Tun hma a thlatin, Rs 100/- an dawn thin pawh Sawrkar thar chuan tipunga Rs 1,000 /- lai mai an dawng ve thei ta te hi ZPM Thalai chuan lawmawm a ti em em a. Hmeithai leh pachhiate tana ding tlat, ZPM Kalphungthar,mipui Sawrkar hi ZPM Ṭhalai chuan a thlawp tlat zel dawn a ni,” an ti bawk.
