Ministry of Micro, Small and Medium Enterprises, GOI leh Branch MSME Development and Facilitation Office, Aizawl, Branch MSME Development and Facilitation Office, Agartala, te leh Mizoram Commerce and Industries Department leh CPSU te tanghoin a an buatsaih, ni hnih awh tur CPSE level vendor development programme chu vawiin chawhma dar 11:30 khan Khuallian Dr. Lalzirmawia Chhangte, IAS, Commissioner & Secretary, Commerce and Industries chuan Vanapa Hall-ah a hawng.
Khuallian chuan entrepreneurs te hi, ram vengtu sipaite tih lova mi huaisen berte annih thu sawiin, an hna/sawmdawnna ah pawh, ram hmasawnna dah lian leh hmasa turin a chah.
Pu Lalzirmawia chuan he hun hian industry lam hmasawnna atana MSE leh CPSU te thawhhona tha tak a siam tur thu sawiin, Sorkar pawhin heng kaltlang hian thalai entrepreneurs te tana kawng sial sak zel a tum thu a sawi bawk.
CPSE level vendor development programme-in a a tum ber chu sumdawngte leh an dawrtuten Sorkar department hrang hrang leh MSE ten an siamchhuah phochhuahna hmun leh hun siamsak niin, vendor registration process te hrilhfiahna hun, leh CPSU leh MSE te inkara thawhhona tha leh chak zawk siam a ni.
Ministry of Micro, Small and Medium Enterprises, GOI hian Sambandh Portal kaltlangin CPSU te atanga tender leh thuthar lakhawmna a siam bawk a ni.
Vawiin hunh manna ah hian GOI, Public Procurement Pilicy (PPP) 2012 chungchang chipchiar taka tarlante neiin, Ministry/Department zawng zawng leh Undertakings of Government of India te chu kum khatah MSME hnuaiah 25% lei tur an nih thu leh chung zinga 4% chu SC/ST entrepreneur-te tan dah a ni a, 3% chu hmeichhiate tan dah niin, tun dinhmunah chuan Central Undertakings 129 te atangin Rs. 1 lakh 34 thousand crore lei mek ani a, chu chu target aiin 15% velin a tam zawk a ni.
Programme-ah hian thil siam leh service hrang hrangte chu a vaiin stall 12-ah phochhuah a ni heng zingah hian Public Sector Undertakings (PSU) te, Gas Authority of India Limited (GAIL),Indian Oil Corporation Limited (IOCL), Food Corporation of India(FCI), National Highways & Infrastructure Development Corporation Ltd.(NHIDCL), Power Grid Corporation of Limited te telin, Assam Rifles, CPWD, NBCC, KVIC, BSNL etc. leh sum leh pai lama thawktu SIDBl, SBI, Mizoram Rural Bank etc. bakah Mizoram-ah te pawh a tel a ni Start-up Hub a ni.
