Excise and Narcotics Department chuan 13th February, 2025 (Ningani) zan dar 8:40 khan Khatla, Tennis Court bulah Methamphetamine Kg 9 & gram 584 (Tablet 90,000) leh a neitu nia puh – Jacob Thanga (34) s/o Lalnunmawia, Bualte, Rihkhawdar bul, Myanmar-a khawsa nia inchhal chu an man a. Methamphetamine phurhna atana hman NEXA Ignis car (Regn No MZ04B-0191) pawh hrensak nghal a ni.
Methamphetamine hi Myanmar atanga lak niin hmun danga hralh tura tih mek lai a ni. Methamphetamine vanga man, Jacob Thanga hi The Narcotic Drugs & Psychotropic Substances Act, 1985 tlawhchhanin thubuai siamsak a ni a, 14th February, 2025 khan Special Court (NDPS Act), Aizawl District-ah hruai nghal an ni.
