Mizoram Legislative Assembly 9-na, thutkhawm vawi 4-na leh Budget Session ni bawk chu vawiin khan Legislative Assembly House, Aizawlah tan a ni a. Budget Session hian February 19, 2025 atanga March ni 20, 2025 thleng a awh ang.
Budget Session hawnna inkhawmah hian Mizoram Larsap Gen (Dr) Vijay Kumar Singh, PVSM, AVSM, YSM (Retd) chuan Legislative Assembly Annual Budget Session chu Sawrkar pawisa lut leh chhuak tarlanna satliah mai nilo, mipuite tana Sawrkar hmachhawp leh ruahmannate tarlanna a nih thu sawiin, assembly session-a kan thil sawiho leh relte hian mipui tan hmasawnna a thlen ngei ka beisei a ti a. Mizoram Legislative Assembly-in rorelna kalphung zahawm tak vawnhim kawngah sulhnu duhawm tak a lo nei tawh thin tih sawiin, member-te chu he sulhnu chhuanawm tak hi chhawmnung zel turin a sawm a. Larsap chuan he hunah hian a Sawrkar hmalakna, hmachhawp leh ngaihpawimawh hrang hrangte a sawi a ni.
Budget Session-a Larsap thusawi kimchang chu hemi link-ah hian chhiar theihin dah a ni: https://dipr.mizoram.gov.in/post/mizoram-legislative-assembly-9-na-thutkhawm-vawi-4-na-leh-budget-session-ni-bawk-february-ni-19-2025-a-mizoram-legislative-house-aizawla-neiha-larsap-zahawm-tak-gen-dr-vijay-kumar-singh-pvsm-avsm-ysm-retd-thusawi
