Mizoram Lagislative Assembly Budget Session neih mekah vawiin khan eptu Mamber (MNF) zawhna chhangin Home Minister K.Sapdanga chuan, “Mizoram Police Act 2011 hnuaiah hian Rules kan nei tawh em?” tih chu Mizoram Police Act 2011 hnuaiah hian Rules kan la nei lo,” a ti a. Hmalakna a awm mek thu sawiin, Tunah hian Draft Rules buatsaih mek niin a sawi a. Tuna Police Constable lak turah hian Eligibility engnge? tih zawhna chu a hnuai a mi ang hi ah thu ziakin a chhang.
Dan lova kuhva ro lo luhna hmun 28 Home Minister in a sawi te hi Sorkar-in engtianga hmalak nge a tum? tih zawhna pawh Dan lova kuhva ro lo luhna hmun 28 te dangchat tur hian Mizoram Sorkar chuan theih tawp a chhuah reng tih a sawi a. “Mizoram Police ten kum 2024-2025 chhunga kuhva an man (seize) zat chu bag 18,130 (12,79,628 kg) a ni a. ₹ 23,99,46,750/- man hu vel a ni,” a ti bawk.
