Vawiin khan Sports Minister Pu Robert Romawia Royte chuan Lungleia Residential Sports School Zobawka sak mek a tlawh a. Hna hi overall in 60% vel zo tawha chhut a ni a, Rs 4100 lakh senna tur a ni. He hmunah hian Lunglei District Sports & Youth Services leh Forest Department tangkawpin thingphunna neih niin Sports Minister, Pu Robert Romawia Royte, Lunglei South bialtu MLA Dr K.Pachhunga leh officials bakah Party hruaituten an phun a ni. Minister chuan Zobawk Sports Academy area chu Ngawpui hmun nuam taka a siam turin tanlak tum a ni a ti.
Minister hian Theiriat Venga field laih zawm ngai pawh tlawhin Bialtu MLA hmasa Pu S.Laldingliana (L) in bul alo tan chu zahawm tiin a chhunzawmnan Rs 30 lakh a pek ve tur thu a sawi. Hemi zawh hian Lunglawn venga Community Service Centre Rs 140 Lakh senga sak tan mai tur lung a phum bawk . Minister chuan Lunglei District Sports Complex Rahsivenga sak tur pawh May thlaah hna tan theih beisei anih thu a sawi bawk.
