Chief Minister Pu Zoramthangan Chanmari leh Chaltlang inkar pavement leh kawng zauhna a hawng. AMC hmalakna a Rs.Nuai 300.30 senga Chanmari leh Chaltlang inkar pavement siam leh kawng zauhna thawh hawnna ah hian, Chief Minister chuan thusawiin, kawng tha tak, a zawhtu lirthei tan leh ke a kalte tan pawh a nuam taka siam AMC hmalakna chu fakawm a ti a. Kawngsiam chungchangah thiamna a sang zela, hmana huphurhawm thin kha harsa lutuk lo a tih dan thiamna chharchhuah belh a nih zel thu sawiin, kawng zauh leh siamthat hna tha zawk pawh thawh belh theih zel a beisei thu a sawi. Chief Minister chuan ngaihtuahna seng a, a theihlohna aia a theihna te kan thlir thiam a, tumruhna nen a hmalak chuan Mizoram hi thlak danglamin, economy entawntlakah kan siam theih thu a sawi a. Malsawmna hrang hrang kan dawn te hi tangkai taka hman dan ngaihtuah chhuak a, midang tih turah ngawt dah lova, mahni ngeiin kan ram hausakna hi haichhuak a, tangkaipui a, hausakpui chu kan tih tur a nih thu a sawi.
AMC Mayor Pu Lalrinenga Sailo pawh in thusawiin, harsatna hrang hrang kara tha taka hna thawk a hawn theih a peih a ni chu lawmawm a tih thu leh Tangkai taka hman chhoh zel anih a beisei thu a sawi a. Hawnna inkhawm hi AMC Commissioner Pu K. Laldingliana’n a kaihruai a ni.January ni 25, 2019 khan footpath siamna tur project, AMRUT incentive atanga cheng nuai 100 hmuh hmanga Chanmari leh Chaltlang inkarah metre 253, feet 830 a thui chu thawh tan a ni a. Contractor atan Pu T. Thanzauva, Electric Veng, Aizawl chu open tender a thlan a ni a. Kawng zauh tel nise tiin, ruahmanna awmsa chu ennawn a siamthat a nih leh hnuah AMC sum cheng nuai 200.30 sen belhin, footpath mai bakah kawng zauhna hna chu telhin, a project hming pawh “Construction of Footpath and Extension of Road from Chaltlang to Chanmari” tih a ni ta a. Footpath hi chawhrualin 1.85-m a zau a ni a, kawng zau zawng hi chawhrualin 8-m a hma in 5.5-m a ni. Kumin March ni 15, khan thawh zawh a ni a. He project hrulah hian Shalom Church, Chaltlang a retaining wall siam AMC sum Cheng Nuai 27 leh metre 170 a thui Chanmari-Chaltlang footpath AMRUT sum Cheng Nuai 73.14 man chu thawh a ni baw
