All Mizoram Contractors Association chuan vawiin (24.4.2025) chhun khan An president Lalengliana hovin Aizawl Press Club-ah press conference neiin, sorkara an thil phut hrang hrangte an puangzar a, theihtawpa bawhzui an tum.
All Mizoram Contractors Association thil phut zingah hian contractor atana dah nghet tawhte chu an lo upat a, hna an thawh theih loh hunah zangnadawmna pek te, contractor an thiha sorkarin a ral vete leh Mizoram Sorkarin thlenna a neih tourist lodge, Mizoram House, bangla leh Mizoram Sorkar department hnuaia thlen inahte a man zatve chauha thlente a tel.
Contractor thil phut dang thenkhatte :
Sorkarin contractor-te tan hna chhuak apiangah 100 ah 30 tal dah zel rawh se
Sorkarin contractor atana a pawm tawh chu renew ngai tawh loin kalpui tawh rawh se
Contractor-te tan tender an chhanin earnes oney ngai loa, chhan ni rawh se
Tender chhan a nihin dan ang taka chhan thlap ni thin rawh se
Tun hnaia tender chhanna man to ta lutuk hi sorkarin bithliah rawh se
PWD hnuaia contractor-te department danga contract hna tender an chhang thei lo hi chhang ve thei rawh se
Department hrang hrang hnuaia contractor-te pawhin PWD hnuaiah tender chhang ve thei rawh se
Sub-contractor-te tan 100 a 25% work done neih theih hi 100 a 35 ah tih san ni rawh se
Contract hna awmah department work a hna tam lutuk hi tih tawp ni rawh se
Contractor-ten an hna thawh theih chin bithliah awmah an hna thawh theih chin bithliaha contractor bikte zel tender chhan tir ni rawh se
Contractor-te an thihin an aiawh tir an nupui fanaute an awm chuan an aiawh phal ni rawh se
Tender loa duhsak zawng hna in pek hi dan kalh a nih angin tender ngei ni rawh se
Tender a awmin a form man sumdawnna ang maia sang tak taka lei ngai hi tih tawp vat ni rawh se
