Aizawl, May 2 : Pu VL Zaithanzama, Aizawl West-III bialtu MLA chuan Pathianni tlai khan a bial chhung Khatla Chawnga Road-ah Tlawng lui atanga Aizawla tui lak chhohna Pipe inzawmna chiang tawk lo chu PHE Engineer te nen an enfiah a, a tul anga hmalak zel an tum.
Aizawl West-III MLA Pu VL Zaithanzama chuan Tlawng atanga Aizawl mipuite mamawh em em tui lak chungchang a ngaih pawimawh thute, hnianghnar leh thianghlim zawka mamawh kan neih theih nan tui lakna pipe leh khawlte uluk taka enkawl a pawimawh hle, a ti a, harsatna leh chhiatna a thlen hmaa invenna lo neih lawk a pawimawh tak zet a ni, a ti bawk.
Tlawng tui pump chhohna hi PHE Er H. Duhkima, SE Aizawl Watsan Circle leh a thawhpuite’n theihtawp chhuahin an buaipui mek a, department inpekna leh thahnemngaihnaah lawmthu a sawi.
MLA hi Khatla khawtlang hruaitute leh Block President Pu Lalrammawia ten an tawiawm a ni.
