“ZPM kaihhruai Sawrkar chuan kut hnathawktute tana ding a nihzia lantirin, 20th February 2025 aṭang khan a thawhkhat nan Sawhthing a lei tan a, Quintal 72,003 lei a nih hnuah a thawhhnihna atan 21st April 2025 aṭangin Secondary Collection Centre hrang hrangah Sawhthing lei leh ṭan a ni a, Direct Purchase leh Auction hmanga Sawhthing lei hi a kalpui chhoh mêk a ni,” tiin ZPM Thalai chuan thuchhuah a siam.
Thuchhuahah chuan, “20th February 2025 atan Sawhthing lei thawhkhatna-ah kut hnathawktu chhungkaw 7,689 atangin Quintal 72,003 lei a ni a, District tina sawrkarin Sawhthing a lei dan chu hetiang hi a ni:-_
1) Aizawl – 2,800 quintals
2) Lunglei – 8,454 quintals
3) Champhai – 10,543 quintals
4) Serchhip – 8,412 quintals
5) Mamit – 3,960 quintals
6) Siaha – 1,445 quintals
7) Kolasib – 1,529 quintals
8) Khawzawl – 15,926 quintals
9) SAITUAL – 12,980 quintals
10) Hnahthial – 4,157 quintals
11) Lawngtlai- 1,797 quintals
“CM Pu Lalduhoma kaihhruai ZPM Sawrkar-in kut hnathawktute dinchhuah nana thlaithar leina tur Mizoram Budget a ‘DAH’ a ni hi ZPM Thalai Hqtrs chuan lawmawm kan ti hle a, ‘Kan danglam bik ang” tia tiamtu ZPM chuan a insawi ang ngeiin Kut hnathawktute thlaithar a lei ta ngei bawk a ni._
“Kut hnathawktute tana ZPM Policy a hlawhtlin theihna tura rim taka theihtawp chhuah rengtu Agriculture Minister Pu Pc Vanlalruata , Adviser to CM Dr K.C Lalmalsawmzauva leh Agriculture Marketing Board Member zawng zawngte ZPM Thalai chuan kan chhuangin Zoram tana an hnathawh hi a ropui kan ti takzet a ni,” an ti bawk.
