Vawiin khan Aizawl South -I Bialtu MLA Pu C.Lalsawivunga Minister ni bawk chuan kumina MBSE in HSLC result a tihchhuaha a bial chhung atanga Top 10-a in hlangkaite leh MPSC buatsaih Combined Competitive Exama hlawhtlinna changte lawmpuina hun a pisa ah a buatsaih a, lawmpuina thu ziak leh Laptop a hlan.
Thusawiin Bialtu MLA Pu C.Lalsawivunga chuan, “Ka bial chhunga zirnna hlawhtling leh titha zualte chawimawina leh lawmpuina hunk an buatsaih leh thei ta hi thinlung takin ka lawm hle a, Pathianin kan bial mal min sawm zia ka ngaihtuah hian kan lawmna hi thu maia sawi fiah theih niin ka hre lo. Pathian ruatin he leilungah kan lo awm a, awmlo ata min dina min siam tu kan Pathian hian kan duh taka a siam mihringte hi min ngaihsak reng thin a ni. Mitin tan hlawhtlinna hun tha min pe theuh a dinhmun hniam tak atang pawhin hlawhtlinna ropui tak a chan theih a, dinhmun tha taka dingte pawh an khawsak danin a zirloh chuan hlawhchhamna ruamah an tlu lut fo thin a ni. Chuvangin kawng engkimah Pathian ring chunga hmalam pan turin vawiina hlawhtlinna changte ka sawm che u a, in hlawhtlinna hi thinlung takin ka lawmpui che u a a ni,” a ti.
Minister Pu C.lalsawivunga chuan, “MPSC hnuaiah hlawhtlinna changten Sorkar hna in thawhna ah Pathian in tihna leh chawimawina hmuh chhoh zel kan beiseia, HSLC pass tharte pawhin in zirna inchhunzawmnaah Pathian in chawimawina hmuh zel kan beisei a, kan lo thlir reng dawn che u a ni. Pathian thu chuan i nu leh i pa chawimawi rawh tiin min zirtira nimahsela tam tak chuan nu leh pa chawimawi dan hi kan hre meuh lo a, “thuawihna leh Pathian tihna” hi nu leh pa chawimawina chu a ni.a tib awk.
Pu Sawia chuan, “Rinawmna, Dikna leh Taimakna hi in nunlaipuiah neih tlat ula, chu chuan malsawmna tam tak a keng a ni tih in hriat ka duha, kan ram leh hnam tan, kan bial tan leh chhungkaw tan malsawmna ni zel turin ka fuih che u a ni. Mihringte hi kumhlun tur kan awm lo a, reiloteah mual kan la liam vek dawn a ni, chuvangin Isua hnen kan thlenpui theih loh tur he khawvel thilte hian intibuailo turin ka chah che u a ni. In thiamna leh finnate kan Pathian ram zau nan leh kan ram tan hlen zel turin duhsakna sang ber ka hlan che u a ni,” a ti.
Aizawl South -I Bial huam chhunga atanga Zirnna a hlawhtlinna changte tharte hi:-
1. 1. Andrew C. Zonunmawia, Bethlehem, MPS 32nd Rank
2. H. Zoliansanga, Upper Republic, MF&AS 18th Rank
3. Thlamuanzuala, Bethelehem Vengthlang , 7th Rank HSLC
4. Laldinpui Rehthlei, Republic vengthlang, 4th Rank HSLC
5. Zaithanpuii, Upper republic, 10th Rank HSLC
He hunah hian hlawhtlinna chang ten thusawina hun an hmang bawka, Bialtu MLA, Minister ni bawkin Sorkara mawhphurhna pawimawh tak tak leh hna tul tam tak a nei chunga an hlawhtlinna a lo hriatpui thei chu lawmawm an tih thu leh a lawmna hun hial buatsaiha, thil pek hlu tak tak a hlan chu an tan chona thar petu a nih thu leh Zirlaite ngaihsaktu Bialtu MLA an nei chu lawmawm an tihthu an sawi a ni.
